Morgunverðarfróðleikur hjá Advania
Þriðjudaginn 19. september var haldinn velheppnaður morgunverðarfróðleikur í höfuðstöðvum Advania
Morgunverðarfundur var haldinn hjá Advania þar sem farið var yfir mikilvægi stafrænnar hæfni og stafrænt öryggi. Tækninni fleygir fram og var frábært að hlusta á sérfræðinga félagsins deila með okkur að hverju við þurfum að huga.
Valeria Alexandersdóttir forstöðukona Veflausna fór yfir atriði sem fyrirtæki þurfa að hafa í huga til að skapa sér stafræna forystu. Án stafrænnar hæfni og markvissar þjálfunar er ekki mikils að vænta . Ragnar Sigurðsson ráðgjafi hjá Rekstrarlausnum fór yfir mikilvæga hluti er snýr að Internet of Things og hvaða tækniuppbygging þarf að vera til staðar til að takast á við innleiðingu gervigreindar og Viðar Pétur Styrkársson, vörustjóri Hugbúnaðarlausna, fór yfir þætti sem snýr að hagnýtingu gervigreindar og tækifærin sem felast í tækninni.
Frábær morgunverðarfundur hjá Advania og þökkum við stjórnendum fyrir frábærar móttökur